aaj hamara ji be-kal hai tum bhi ghaflat mat kariyo

aaj hamārā jī be-kal hai tum bhī ġhaflat mat kariyo

dil na rahe jo haath rakhe to samājat at-gat mat kariyo

Dherī rahe ik ḳhaak kī to kyā aise ḳhaak barābar kī

mujh ko zamīñ meñ gāḌoge to nishān-e-turbat mat kariyo

aisī jaan kahāñ hai ham meñ ranj na denā hāthoñ ko

ek hī vaar meñ ho chukiyegā dūsrī zarbat mat kariyo

ham ko to maarā ishq ne āḳhir par ye vasiyyat yaad rahe

der jahāñ meñ tum jo ho to kisū se ulfat mat kariyo

merī taraf kī yaaro us se baat koī kahte ho kaho

maane na maane vo jaane phir tum bhī minnat mat kariyo

kahiye so kyā ab chupke dekho go maiñ is meñ mar jā.ūñ

tum ko qasam hai harf-o-suḳhan kī mujh se muravvat mat kariyo

hosh nahīñ apnā to hameñ Tuk 'mīr' aa.e haiñ pursish ko

jaane se aage un ko hamāre pyāre ruḳhsat mat kariyo

aaj hamara ji be-kal hai tum bhi ghaflat mat kariyo

dil na rahe jo hath rakhe to samajat at-gat mat kariyo

Dheri rahe ek KHak ki to kya aise KHak barabar ki

mujh ko zamin mein gaDoge to nishan-e-turbat mat kariyo

aisi jaan kahan hai hum mein ranj na dena hathon ko

ek hi war mein ho chukiyega dusri zarbat mat kariyo

hum ko to mara ishq ne aaKHir par ye wasiyyat yaad rahe

der jahan mein tum jo ho to kisu se ulfat mat kariyo

meri taraf ki yaro us se baat koi kahte ho kaho

mane na mane wo jaane phir tum bhi minnat mat kariyo

kahiye so kya ab chupke dekho go main is mein mar jaun

tum ko qasam hai harf-o-suKHan ki mujh se murawwat mat kariyo

hosh nahin apna to hamein Tuk 'mir' aae hain pursish ko

jaane se aage un ko hamare pyare ruKHsat mat kariyo