aansu meri aankhon mein har-dam jo na aa jata

aañsū mirī āñkhoñ meñ har-dam jo na aa jaatā

to kaam mirā achchhā parde meñ chalā jaatā

aslah hai hijāb us kā ham shauq ke māroñ se

be-parda jo vo hotā to kis se rahā jaatā

tiflī kī adā terī jaatī nahīñ ye jī se

ham dekhte tujh ko to tū muñh ko chhupā jaatā

sad-shukr ki dāġh-e-dil afsurda huā varna

ye sho'la bhaḌaktā to ghar-bār jalā jaatā

kahte to ho yuuñ kahte yuuñ kahte jo vo aatā

ye kahne kī bāteñ haiñ kuchh bhī na kahā jaatā

un āñkhoñ se ham-chashmī barjā hai jo maiñ jal kar

bādām ko kal yaaro majlis hī meñ khā jaatā

sohbat sag-o-āhū kī yak 'umr rahī bāham

vo bhāgtā mujh se to maiñ us se lagā jaatā

gar 'ishq nahīñ hai to ye kyā hai bhalā mujh ko

jī ḳhud-baḳhud ai hamdam kaahe ko khapā jaatā

juuñ abr na tham saktā āñkhoñ kā mirī jhamkā

juuñ barq agar vo bhī jhamkī sī dikhā jaatā

taklīf na kī ham ne us vahshī ko marne kī

thā 'mīr' to aisā bhī dil jī se uThā jaatā

aansu meri aankhon mein har-dam jo na aa jata

to kaam mera achchha parde mein chala jata

aslah hai hijab us ka hum shauq ke maron se

be-parda jo wo hota to kis se raha jata

tifli ki ada teri jati nahin ye ji se

hum dekhte tujh ko to tu munh ko chhupa jata

sad-shukr ki dagh-e-dil afsurda hua warna

ye sho'la bhaDakta to ghar-bar jala jata

kahte to ho yun kahte yun kahte jo wo aata

ye kahne ki baaten hain kuchh bhi na kaha jata

un aankhon se ham-chashmi barja hai jo main jal kar

baadam ko kal yaro majlis hi mein kha jata

sohbat sag-o-ahu ki yak 'umr rahi baham

wo bhagta mujh se to main us se laga jata

gar 'ishq nahin hai to ye kya hai bhala mujh ko

ji KHud-baKHud ai hamdam kahe ko khapa jata

jun abr na tham sakta aankhon ka meri jhamka

jun barq agar wo bhi jhamki si dikha jata

taklif na ki hum ne us wahshi ko marne ki

tha 'mir' to aisa bhi dil ji se uTha jata