aata hai dil mein haal-e-bad apna bhala kahun

aatā hai dil meñ hāl-e-bad apnā bhalā kahūñ

phir aaphī aap soch ke kahtā huuñ kyā kahūñ

parvāna phir na sham.a kī ḳhātir jalā kare

gar bazm meñ ye apnā tirā mājrā kahūñ

mat kar ḳhirām sar pe uThā legā ḳhalq ko

baiThā agar galī meñ tirā naqsh-e-pā kahūñ

dil aur diida bā.is-e-īzā-o-nūr-e-ain

kis ke ta.iiñ burā kahūñ kis ko bhalā kahūñ

aave sumūm jā-e-sabā baaġh se sadā

gar shamma apne soz-e-jigar kā maiñ jā kahūñ

jaatā huuñ 'mīr' dasht-e-junūñ ko maiñ ab ye kah

majnūñ kahīñ mile to tirī bhī duā kahūñ

aata hai dil mein haal-e-bad apna bhala kahun

phir aaphi aap soch ke kahta hun kya kahun

parwana phir na shama ki KHatir jala kare

gar bazm mein ye apna tera majra kahun

mat kar KHiram sar pe uTha lega KHalq ko

baiTha agar gali mein tera naqsh-e-pa kahun

dil aur dida bais-e-iza-o-nur-e-ain

kis ke tain bura kahun kis ko bhala kahun

aawe sumum ja-e-saba bagh se sada

gar shamma apne soz-e-jigar ka main ja kahun

jata hun 'mir' dasht-e-junun ko main ab ye kah

majnun kahin mile to teri bhi dua kahun