ab samajh aai martaba samjhe

ab samajh aa.ī martaba samjhe

gum kiyā ḳhud ke tiiñ ḳhudā samjhe

is qadar jī meñ hai daġhā us ke

ki duā kariye to daġhā samjhe

kuchh samajhte nahīñ hamārā haal

tum se bhī ai butāñ ḳhudā samjhe

ġhalat apnā ki us jafā-jū ko

sādgī se ham āshnā samjhe

nukta-dāñ bhī ḳhudā ne tum ko kiyā

par hamārā na mudda.ā samjhe

likhe daftar kitābeñ kiiñ tasnīf

par na tāle.a kā ham likhā samjhe

'mīr' sāhib kā har suḳhan hai ramz

be-haqīqat hai shaiḳh kyā samjhe

ab samajh aai martaba samjhe

gum kiya KHud ke tin KHuda samjhe

is qadar ji mein hai dagha us ke

ki dua kariye to dagha samjhe

kuchh samajhte nahin hamara haal

tum se bhi ai butan KHuda samjhe

ghalat apna ki us jafa-ju ko

sadgi se hum aashna samjhe

nukta-dan bhi KHuda ne tum ko kiya

par hamara na muddaa samjhe

likhe daftar kitaben kin tasnif

par na talea ka hum likha samjhe

'mir' sahib ka har suKHan hai ramz

be-haqiqat hai shaiKH kya samjhe