ab yan se hum uTh jaenge KHalq-e-KHuda mulk-e-KHuda

ab yaañ se ham uTh jā.eñge ḳhalq-e-ḳhudā mulk-e-ḳhudā

hargiz na īdhar ā.eñge ḳhalq-e-ḳhudā mulk-e-ḳhudā

matlab agar yaañ gum huā andeshe kī jāgah nahīñ

jā kar kahīñ kuchh pā.eñge ḳhalq-e-ḳhudā mulk-e-ḳhudā

dil meñ na jaane ye koī ham khāne ko deñ haiñ inheñ

jo hai muqaddar khā.eñge ḳhalq-e-ḳhudā mulk-e-ḳhudā

go lakhna.ū vīrāñ huā ham aur ābādī meñ jā

maqsūm apnā lā.eñge ḳhalq-e-ḳhudā mulk-e-ḳhudā

ab dī parī guzrī ga.ī ham āj-kal be-ḳhānumāñ

kyā ġhair-azīñ Thahrā.eñge ḳhalq-e-ḳhudā mulk-e-ḳhudā

is bastī se uTh jā.eñge darveshoñ kī kyā mashvarat

ve bhī yahī farmā.eñge ḳhalq-e-ḳhudā mulk-e-ḳhudā

tū 'mīr' hovegā jahāñ amr-e-qazā ke tābe'āñ

rozī tujhe pahuñchā.eñge ḳhalq-e-ḳhudā mulk-e-ḳhudā

ab yan se hum uTh jaenge KHalq-e-KHuda mulk-e-KHuda

hargiz na idhar aaenge KHalq-e-KHuda mulk-e-KHuda

matlab agar yan gum hua andeshe ki jagah nahin

ja kar kahin kuchh paenge KHalq-e-KHuda mulk-e-KHuda

dil mein na jaane ye koi hum khane ko den hain inhen

jo hai muqaddar khaenge KHalq-e-KHuda mulk-e-KHuda

go lakhnau viran hua hum aur aabaadi mein ja

maqsum apna laenge KHalq-e-KHuda mulk-e-KHuda

ab di pari guzri gai hum aaj-kal be-KHanuman

kya ghair-azin Thahraenge KHalq-e-KHuda mulk-e-KHuda

is basti se uTh jaenge darweshon ki kya mashwarat

we bhi yahi farmaenge KHalq-e-KHuda mulk-e-KHuda

tu 'mir' howega jahan amr-e-qaza ke tabe'an

rozi tujhe pahunchaenge KHalq-e-KHuda mulk-e-KHuda