agarche ab ke hum ai abr KHushk-mizhgan hain

agarche ab ke ham ai abr ḳhushk-mizhgāñ haiñ

pe josh dil meñ kabhū aa gayā to tūfāñ haiñ

sanam parastī meñ ai rāhibāñ na kī taqsīr

tum ahal-e-saumi'a se pūchho ve musalmāñ haiñ

kareñ unhoñ pe bhalā kis tarah nazar gustāḳh

butān-e-shahr hamāre to dīn-o-īmāñ haiñ

chaman meñ jā ke bharo tum guloñ se jeb-o-kanār

ham apne dil hī ke TukḌoñ se gul-badāmāñ haiñ

rahe haiñ dekh jo tasvīr se tire muñh ko

hamārī aañkh se zāhir hai ye ki hairāñ haiñ

rahā hai kaun sā parda tire sitam kā shoḳh

ki zaḳhm-e-sīna hamāre sabhī numāyāñ haiñ

shabīh-e-shakl sā hai haal zabt-e-ishq ke biich

ki rang ruup hai sab kuchh va-lek be-jāñ haiñ

bane to izzat-e-ushshāq meñ na kar taqsīr

ki aise log piyāre aziiz mehmāñ haiñ

jo abr dasht meñ barse to ham uḌāveñ ḳhaak

vo 'mīr'-e-āb hai ham yaañ ke 'mīr'-e-sāmāñ haiñ

agarche ab ke hum ai abr KHushk-mizhgan hain

pe josh dil mein kabhu aa gaya to tufan hain

sanam parasti mein ai rahiban na ki taqsir

tum ahal-e-saumi'a se puchho we musalman hain

karen unhon pe bhala kis tarah nazar gustaKH

butan-e-shahr hamare to din-o-iman hain

chaman mein ja ke bharo tum gulon se jeb-o-kanar

hum apne dil hi ke TukDon se gul-badaman hain

rahe hain dekh jo taswir se tere munh ko

hamari aankh se zahir hai ye ki hairan hain

raha hai kaun sa parda tere sitam ka shoKH

ki zaKHm-e-sina hamare sabhi numayan hain

shabih-e-shakl sa hai haal zabt-e-ishq ke bich

ki rang rup hai sab kuchh wa-lek be-jaan hain

bane to izzat-e-ushshaq mein na kar taqsir

ki aise log piyare aziz mehman hain

jo abr dasht mein barse to hum uDawen KHak

wo 'mir'-e-ab hai hum yan ke 'mir'-e-saman hain