apne hote tu ba-itab raha
apne hote tū bā-itāb rahā
be-dimāġhī se bā-ḳhitāb rahā
ho ke be-parda multafit bhī huā
nākasī se hameñ hijāb rahā
na uThā lutf kuchh javānī kā
kam bahut mausam-e-shabāb rahā
kārvāñ haa.e sub.h hote gayā
maiñ sitam-dīda mahv-e-ḳhvāb rahā
hijr meñ jī Dhahā gire hī rahe
zo.af se hāl-e-dil ḳharāb rahā
ghar se aa.e galī meñ sau baarī
yaar bin der iztirāb rahā
ham se suljhe na us ke uljhe baal
jaan ko apnī pech-o-tāb rahā
parde meñ kaam yaañ huā āḳhir
vaañ sadā chehre par naqāb rahā
sozish-e-sīna apne saath ga.ī
ḳhaak meñ bhī hameñ azaab rahā
haif hai 'mīr' kī janāb se myaañ
ham ko an-samjhe ijtināb rahā
apne hote tu ba-itab raha
be-dimaghi se ba-KHitab raha
ho ke be-parda multafit bhi hua
nakasi se hamein hijab raha
na uTha lutf kuchh jawani ka
kam bahut mausam-e-shabab raha
karwan hae subh hote gaya
main sitam-dida mahw-e-KHwab raha
hijr mein ji Dhaha gire hi rahe
zoaf se haal-e-dil KHarab raha
ghar se aae gali mein sau bari
yar bin der iztirab raha
hum se suljhe na us ke uljhe baal
jaan ko apni pech-o-tab raha
parde mein kaam yan hua aaKHir
wan sada chehre par naqab raha
sozish-e-sina apne sath gai
KHak mein bhi hamein azab raha
haif hai 'mir' ki janab se myan
hum ko an-samjhe ijtinab raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.