be-dil hue be-din hue be-waqr hum at-gat hue

be-dil hue be-dīñ hue be-vaqr ham at-gat hue

be-kas hue bebas hue be-kal hue be-gat hue

ham 'ishq meñ kyā kyā hue ab āḳhir āḳhir ho chuke

be-mat hue be-sat hue be-ḳhud hue mayyat hue

ulfat jo kī kahtā hai jī hālat nahīñ 'izzat nahīñ

ham bābat-e-zillat hue shā.ista-e-kulfat hue

gar koh-e-ġham aisā garāñ ham se uThe pas dostāñ

sūkhe se ham dainat hue tinke se ham parbat hue

kyā roiye qaidī haiñ ab rūyat bhī bin gul kuchh nahīñ

be-par hue be-ghar hue be-zar hue be-pat hue

āñkheñ bhar aa.iiñ jī ruñDhā kahiye so kyā chupke se the

jī chāhtā mutlaq na thā nā-chār ham ruḳhsat hue

yā mast dargāhoñ meñ shab karte the shāhid-bāziyāñ

tasbīh le kar haath meñ yā 'mīr' ab hazrat hue

be-dil hue be-din hue be-waqr hum at-gat hue

be-kas hue bebas hue be-kal hue be-gat hue

hum 'ishq mein kya kya hue ab aaKHir aaKHir ho chuke

be-mat hue be-sat hue be-KHud hue mayyat hue

ulfat jo ki kahta hai ji haalat nahin 'izzat nahin

hum babat-e-zillat hue shaista-e-kulfat hue

gar koh-e-gham aisa garan hum se uThe pas dostan

sukhe se hum dainat hue tinke se hum parbat hue

kya roiye qaidi hain ab ruyat bhi bin gul kuchh nahin

be-par hue be-ghar hue be-zar hue be-pat hue

aankhen bhar aain ji runDha kahiye so kya chupke se the

ji chahta mutlaq na tha na-chaar hum ruKHsat hue

ya mast dargahon mein shab karte the shahid-baziyan

tasbih le kar hath mein ya 'mir' ab hazrat hue