be-kasan-e-ishq the hum gham mein khap sare gae

be-kasān-e-ishq the ham ġham meñ khap saare ga.e

bāz-ḳhvāh-e-ḳhūñ na thā maare ga.e maare ga.e

baar kal tak nā-tavānoñ ko na thā us bazm meñ

girte paḌte ham bhī aajiz aaj vaañ baare ga.e

chhātī merī sard aahoñ se huī thī sab karaḳht

ustuḳhvāñ ab us ke ashk-e-garm se dhāre ga.e

baḳht jaage hī na Tuk jo ho ḳhabar ghar meñ use

sub.h tak ham raat dīvāroñ se sar maare ga.e

'mīr' qais-o-kohkan nā-chār guzre jaan se

do-jahāñ hasrat liye hamrāh bechāre ga.e

be-kasan-e-ishq the hum gham mein khap sare gae

baz-KHwah-e-KHun na tha mare gae mare gae

bar kal tak na-tawanon ko na tha us bazm mein

girte paDte hum bhi aajiz aaj wan bare gae

chhati meri sard aahon se hui thi sab karaKHt

ustuKHwan ab us ke ashk-e-garm se dhaare gae

baKHt jage hi na Tuk jo ho KHabar ghar mein use

subh tak hum raat diwaron se sar mare gae

'mir' qais-o-kohkan na-chaar guzre jaan se

do-jahan hasrat liye hamrah bechaare gae