chhoDa junun ke daur mein rasm-o-rah-e-islam ko

chhoḌā junūñ ke daur meñ rasm-o-rah-e-islām ko

tah kar sanam-ḳhāne chalā huuñ jāma-e-ehrām ko

martā maro jiitā jiyo aao koī jaao koī

hai kaam ham logoñ se kyā is dilbar-e-ḳhud-kām ko

jis ḳhud-numā tak jā.ūñ huuñ us se sunūñ huuñ duur duur

kyā muñh lagāve ab koī is rū-siyah badnām ko

bechain bistar par rahā be-ḳhvāb ḳhākistar pe huuñ

sabr-o-sukūñ jab se ga.e paayā nahīñ ārām ko

āsā.ish-o-rāhat se jo pūchhe koī to kyā kahūñ

maiñ umr bhar khīñchā kiyā ranj-o-ġham-o-ālām ko

'mīr' ab bhalā kyā ibtidā-e-ishq ko rotā hai tū

kar fikr jo paave bhī is āġhāz ke anjām ko

chhoDa junun ke daur mein rasm-o-rah-e-islam ko

tah kar sanam-KHane chala hun jama-e-ehram ko

marta maro jita jiyo aao koi jao koi

hai kaam hum logon se kya is dilbar-e-KHud-kaam ko

jis KHud-numa tak jaun hun us se sunun hun dur dur

kya munh lagawe ab koi is ru-siyah badnam ko

bechain bistar par raha be-KHwab KHakistar pe hun

sabr-o-sukun jab se gae paya nahin aaram ko

aasaish-o-rahat se jo puchhe koi to kya kahun

main umr bhar khincha kiya ranj-o-gham-o-alam ko

'mir' ab bhala kya ibtida-e-ishq ko rota hai tu

kar fikr jo pawe bhi is aaghaz ke anjam ko