dast-basta kaam naKHun kar gae

dast-basta kaam nāḳhun kar ga.e

sab ḳharāshoñ hī se jabhe bhar ga.e

but-kade se to chale ka.abe vale

das qadam ham dil ko kar patthar ga.e

kyā jo uḌtī sī sunī aa.e haiñ gul

ham asīroñ ke to bāl-o-par ga.e

majlisoñ kī majliseñ barham huiiñ

log ve pal mārte kīdhar ga.e

the lab-e-jū par jo garm-e-dīd-e-yār

sabze ke se rang mizhgāñ-tar ga.e

ḳhānvāde ho ga.e kyā kyā ḳharāb

ḳhāna-sāz-e-dīn kaise mar ga.e

dast-afshāñ pā-e-kūbāñ shauq meñ

sauma.e se 'mīr' bhī bāhar ga.e

dast-basta kaam naKHun kar gae

sab KHarashon hi se jabhe bhar gae

but-kade se to chale kabe wale

das qadam hum dil ko kar patthar gae

kya jo uDti si suni aae hain gul

hum asiron ke to baal-o-par gae

majlison ki majlisen barham huin

log we pal marte kidhar gae

the lab-e-ju par jo garm-e-did-e-yar

sabze ke se rang mizhgan-tar gae

KHanwade ho gae kya kya KHarab

KHana-saz-e-din kaise mar gae

dast-afshan pa-e-kuban shauq mein

saumae se 'mir' bhi bahar gae