dekh KHurshid tujhko ai mahbub

dekh ḳhurshīd tujh ko ai mahbūb

araq-e-sharm meñ gayā hai Duub

aa.ī kan.āñ se bād-e-misr vale

na ga.ī tā-ba kulba-e-yāqūb

bin asā shaiḳh yak qadam na rakhe

raah chaltā nahīñ ye ḳhar be-chob

is liye ishq maiñ ne chhoḌā thā

tū bhī kahne lagā burā kyā ḳhuub

pī ho mai to lahū piyā huuñ maiñ

mohtasib āñkhoñ par hai kuchh āshob

'mīr' shā.ir bhī zor koī thā

dekhte ho na baat kā uslūb

dekh KHurshid tujh ko ai mahbub

araq-e-sharm mein gaya hai Dub

aai kanan se baad-e-misr wale

na gai ta-ba kulba-e-yaqub

bin asa shaiKH yak qadam na rakhe

rah chalta nahin ye KHar be-chob

is liye ishq main ne chhoDa tha

tu bhi kahne laga bura kya KHub

pi ho mai to lahu piya hun main

mohtasib aankhon par hai kuchh aashob

'mir' shair bhi zor koi tha

dekhte ho na baat ka uslub