diwangi mein majnun mere huzur kya tha

dīvāngī meñ majnūñ mere huzūr kyā thā

laḌkā sā un dinoñ thā us ko shu.ūr kyā thā

gardan-kashī se apnī maare ga.e ham āḳhir

āshiq agar hue the nāz-o-ġhurūr kyā thā

ġham qurb-o-buad kā thā jab tak na ham ne jaanā

ab martaba jo samjhe vo itnā duur kyā thā

ai vaa.e ye na samjhe maare paḌeñge is meñ

iz.hār-e-ishq karnā ham ko zarūr kyā thā

martā thā jis kī ḳhātir us kī taraf na dekhā

'mīr'-e-sitam-rasīda zālim ġhayūr kyā thā

diwangi mein majnun mere huzur kya tha

laDka sa un dinon tha us ko shuur kya tha

gardan-kashi se apni mare gae hum aaKHir

aashiq agar hue the naz-o-ghurur kya tha

gham qurb-o-buad ka tha jab tak na hum ne jaana

ab martaba jo samjhe wo itna dur kya tha

ai wae ye na samjhe mare paDenge is mein

izhaar-e-ishq karna hum ko zarur kya tha

marta tha jis ki KHatir us ki taraf na dekha

'mir'-e-sitam-rasida zalim ghayur kya tha