dil ishq mein KHun dekha aankhon ko gaya dekha

dil 'ishq meñ ḳhuuñ dekhā āñkhoñ ko gayā dekhā

paiġhambar-e-kan’āñ ne dekhā na ki kyā dekhā

majrūh hai sab siina tis par hai namak-pāshī

āñkhoñ ke laḌāne kā ham ḳhuub maza dekhā

yakbār bhī aañkh apnī us par na paḌī marte

sau martaba bālīñ se ham sar ko uThā dekhā

kāhish kā mirī ab ye kyā tujh ko ta'ajjub hai

bīmāri-e-dil vaalā koī bhī bhalā dekhā

āñkheñ ga.iiñ phir tujh bin kyā kyā na 'azīzoñ kī

par tū ne muravvat se Tuk un ko na jā dekhā

jī dete haiñ marne par sab shahr-e-mohabbat meñ

kuchh saarī ḳhudā.ī se ye taur nayā dekhā

kah dil ko gañvāyā hai yā ranj uThāyā hai

ai 'mīr' tujhe ham ne kuchh aaj ḳhafā dekhā

dil 'ishq mein KHun dekha aankhon ko gaya dekha

paighambar-e-kan’an ne dekha na ki kya dekha

majruh hai sab sina tis par hai namak-pashi

aankhon ke laDane ka hum KHub maza dekha

yakbar bhi aankh apni us par na paDi marte

sau martaba baalin se hum sar ko uTha dekha

kahish ka meri ab ye kya tujh ko ta'ajjub hai

bimari-e-dil wala koi bhi bhala dekha

aankhen gain phir tujh bin kya kya na 'azizon ki

par tu ne murawwat se Tuk un ko na ja dekha

ji dete hain marne par sab shahr-e-mohabbat mein

kuchh sari KHudai se ye taur naya dekha

kah dil ko ganwaya hai ya ranj uThaya hai

ai 'mir' tujhe hum ne kuchh aaj KHafa dekha