dil kahe main hun to kahe ko koi betab ho

dil kahe maiñ huuñ to kaahe ko koī betāb ho

aañkh kā lagnā na ho to ashk kyoñ ḳhūnāb ho

vo nahīñ chhiḌkāv sā maiñ ashk-rezī se karūñ

ab jo rone baiTh jā.ūñ jhiil ho tālāb ho

jald khīñche teġh betābi kareñ jo ham to phir

mārnā mushkil hamārā tum ko juuñ sīmāb ho

shahr meñ zer-e-daraḳhtāñ kyā rahūñ maiñ barg-band

ho na sahrā nai mirī gunjā.ish-e-asbāb ho

be-tasarruf ishq ke hotā hai aisā haal kab

dil hamārā ḳhuun ho sab chashm yaksar aab ho

lutf se ai abr-e-rahmat ek do bārish idhar

kisht-e-zard-e-nā-umīdāñ bhī to Tuk sairāb ho

baḳht-e-ḳhufta soveñ par Tuk chauñkte soveñ ki 'mīr'

ek shab ham dil-zadoñ se vo parī ham-ḳhvāb ho

dil kahe main hun to kahe ko koi betab ho

aankh ka lagna na ho to ashk kyon KHunab ho

wo nahin chhiDkaw sa main ashk-rezi se karun

ab jo rone baiTh jaun jhil ho talab ho

jald khinche tegh betabi karen jo hum to phir

marna mushkil hamara tum ko jun simab ho

shahr mein zer-e-daraKHtan kya rahun main barg-band

ho na sahra nai meri gunjaish-e-asbab ho

be-tasarruf ishq ke hota hai aisa haal kab

dil hamara KHun ho sab chashm yaksar aab ho

lutf se ai abr-e-rahmat ek do barish idhar

kisht-e-zard-e-na-umidan bhi to Tuk sairab ho

baKHt-e-KHufta sowen par Tuk chaunkte sowen ki 'mir'

ek shab hum dil-zadon se wo pari ham-KHwab ho