dil rafta-e-jamal hai us zul-jalal ka
dil rafta-e-jamāl hai us zul-jalāl kā
mustajme’-e-jamī'-sifāt-o-kamāl kā
idrāk ko hai zāt-e-muqaddas meñ daḳhl kyā
ūdhar nahīñ guzār gumān-o-ḳhayāl kā
hairat se ‘ārifoñ ko nahīñ rāh-e-mā’rifat
haal aur kuchh hai yaañ unhoñ ke hāl-o-qāl kā
hai qismat-e-zamīn-o-falak se ġharaz numūd
jalva vagarna sab meñ hai us ke jamāl kā
marne kā bhī ḳhayāl rahe 'mīr' agar tujhe
hai ishtiyāq jān-e-jahāñ ke visāl kā
dil rafta-e-jamal hai us zul-jalal ka
mustajme’-e-jami'-sifat-o-kamal ka
idrak ko hai zat-e-muqaddas mein daKHl kya
udhar nahin guzar guman-o-KHayal ka
hairat se ‘arifon ko nahin rah-e-ma’rifat
haal aur kuchh hai yan unhon ke haal-o-qal ka
hai qismat-e-zamin-o-falak se gharaz numud
jalwa wagarna sab mein hai us ke jamal ka
marne ka bhi KHayal rahe 'mir' agar tujhe
hai ishtiyaq jaan-e-jahan ke visal ka
- Book : MIRIYAAT - Diwan No- 5, Ghazal No- 1534
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
