ek-adh din sunoge sunna ke rah gae hum

ek-ādh din sunoge sunnā ke rah ga.e ham

kāñpā kare hai jī so Thahrā ke rah ga.e ham

vāshud huī so apnī pazhmurdagī se bad-tar

mausam ga.e ke gul se murjhā ke rah ga.e ham

pur-dāġh dil ko le kar āḳhir kiyā kināra

us baaġh se galī meñ jā jā ke rah ga.e ham

soz-e-darūñ ne ham ko parde meñ maar rakkhā

juuñ sham' aap hī ko khā khā ke rah ga.e ham

hairat se 'āshiqī kī pūchhā thā dostoñ ne

kah sakte kuchh to kahte sharmā ke rah ga.e ham

ai vaa.e dil ga.e par jī bhī gayā hamārā

yā'nī ki 'mīr' barsoñ pachhtā ke rah ga.e ham

ek-adh din sunoge sunna ke rah gae hum

kanpa kare hai ji so Thahra ke rah gae hum

washud hui so apni pazhmurdagi se bad-tar

mausam gae ke gul se murjha ke rah gae hum

pur-dagh dil ko le kar aaKHir kiya kinara

us bagh se gali mein ja ja ke rah gae hum

soz-e-darun ne hum ko parde mein mar rakkha

jun sham' aap hi ko kha kha ke rah gae hum

hairat se 'ashiqi ki puchha tha doston ne

kah sakte kuchh to kahte sharma ke rah gae hum

ai wae dil gae par ji bhi gaya hamara

ya'ni ki 'mir' barson pachhta ke rah gae hum