ghaalib hai tere ahd mein bedad ki taraf

ġhālib hai tere ahd meñ bedād kī taraf

har ḳhūñ-girafta jaa.e hai jallād kī taraf

kin ne liyā hai tum se muchalkā ki daad do

Tuk kaan hī rakhā karo fariyād kī taraf

har tār-e-zulf qīmat-e-firdaus hai tirā

kartā hai kaun turra-e-shamshād kī taraf

ham ne to par-fishānī na jaanī ki ek baar

parvāz kī chaman se so sayyād kī taraf

hairān-e-kār-e-ishq hai shīrīñ kā naqsh 'mīr'

kuchh yūñhī dekhtā nahīñ farhād kī taraf

ghaalib hai tere ahd mein bedad ki taraf

har KHun-girafta jae hai jallad ki taraf

kin ne liya hai tum se muchalka ki dad do

Tuk kan hi rakha karo fariyaad ki taraf

har tar-e-zulf qimat-e-firdaus hai tera

karta hai kaun turra-e-shamshad ki taraf

hum ne to par-fishani na jaani ki ek bar

parwaz ki chaman se so sayyaad ki taraf

hairan-e-kar-e-ishq hai shirin ka naqsh 'mir'

kuchh yunhi dekhta nahin farhad ki taraf