gham raha jab tak ki dam mein dam raha
ġham rahā jab tak ki dam meñ dam rahā
dil ke jaane kā nihāyat ġham rahā
husn thā terā bahut ālam-fareb
ḳhat ke aane par bhī ik aalam rahā
dil na pahuñchā gosha-e-dāmāñ talak
qatra-e-ḳhūñ thā mizha par jam rahā
sunte haiñ lailā ke ḳheme ko siyāh
us meñ majnūñ kā magar mātam rahā
jāma-e-ehrām-e-zāhid par na jā
thā haram meñ lek nā-mahram rahā
zulfeñ kholīñ to tū Tuk aayā nazar
umr bhar yaañ kām-e-dil barham rahā
us ke lab se talḳh ham sunte rahe
apne haq meñ āb-e-haivāñ sam rahā
mere rone kī haqīqat jis meñ thī
ek muddat tak vo kāġhaz nam rahā
sub.h-e-pīrī shaam hone aa.ī 'mīr'
tū na chetā yaañ bahut din kam rahā
gham raha jab tak ki dam mein dam raha
dil ke jaane ka nihayat gham raha
husn tha tera bahut aalam-fareb
KHat ke aane par bhi ek aalam raha
dil na pahuncha gosha-e-daman talak
qatra-e-KHun tha mizha par jam raha
sunte hain laila ke KHeme ko siyah
us mein majnun ka magar matam raha
jama-e-ehram-e-zahid par na ja
tha haram mein lek na-mahram raha
zulfen kholin to tu Tuk aaya nazar
umr bhar yan kaam-e-dil barham raha
us ke lab se talKH hum sunte rahe
apne haq mein aab-e-haiwan sam raha
mere rone ki haqiqat jis mein thi
ek muddat tak wo kaghaz nam raha
subh-e-piri sham hone aai 'mir'
tu na cheta yan bahut din kam raha
Source:
MIRIYAAT - Diwan No- 1, Ghazal No- 0102
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.