gul qafas tak nasim lai hai

gul qafas tak nasīm laa.ī hai

bū ki phir kar bahār aa.ī hai

ishq dariyā hai ek langar-dār

tah kisū ne bhī is kī paa.ī hai

vo na sharmāve kab talak āḳhir

dostī yaarī āshnā.ī hai

ve nahīñ to unhoñ kā bhaa.ī aur

ishq karne kī kyā manā.ī hai

be-sutūñ kohkan ne kyā toḌā

ishq kī zor-āzmā.ī hai

bhīḌeñ Taltī haiñ us ke abrū hile

chalī talvār to safā.ī hai

laḌkā attār kā hai kyā ma.ajūn

ham ko tarkīb us kī bhaa.ī hai

kaj-ravī yaar kī nahīñ jaatī

yahī be-taur be-adā.ī hai

aane kahtā hai phir nahīñ aatā

yahī bad-ahdī bevafā.ī hai

kar chalo nekī ab to jis tis se

shāyad is hī meñ kuchh bhalā.ī hai

barsoñ meñ 'mīr' se mile to kahā

is se pūchho ki ye kujā.ī hai

gul qafas tak nasim lai hai

bu ki phir kar bahaar aai hai

ishq dariya hai ek langar-dar

tah kisu ne bhi is ki pai hai

wo na sharmawe kab talak aaKHir

dosti yari aashnai hai

we nahin to unhon ka bhai aur

ishq karne ki kya manai hai

be-sutun kohkan ne kya toDa

ishq ki zor-azmai hai

bhiDen Talti hain us ke abru hile

chali talwar to safai hai

laDka attar ka hai kya majun

hum ko tarkib us ki bhai hai

kaj-rawi yar ki nahin jati

yahi be-taur be-adai hai

aane kahta hai phir nahin aata

yahi bad-ahdi bewafai hai

kar chalo neki ab to jis tis se

shayad is hi mein kuchh bhalai hai

barson mein 'mir' se mile to kaha

is se puchho ki ye kujai hai