hakim shahr-e-husn ke zalim kyunke sitam-ijad nahin

hākim shahr-e-husn ke zālim kyūñke sitam-ījād nahīñ

ḳhuun kisū kā koī kare vaañ daad nahīñ fariyād nahīñ

yaarī hamārī yak baarī ḳhātir se farāmosh un ne kī

zikr hamārā us se kiyā so kahne lagā kuchh yaad nahīñ

kyā kyā mardum-e-ḳhush-zāhir haiñ ‘ālam-e-husn meñ nām-e-ḳhudā

‘ālam-e-‘ishq ḳharāba hai vaañ koī ghar ābād nahīñ

'ishq koī hamdard kahīñ muddat meñ paidā kartā hai

koh raheñ go nālāñ barsoñ lekin ab farhād nahīñ

laḌnā kāvākī se falak kā pesh-e-pā-uftāda hai

'mīr' tilism-e-ġhubār jo ye hai kuchh is kī buniyād nahīñ

hakim shahr-e-husn ke zalim kyunke sitam-ijad nahin

KHun kisu ka koi kare wan dad nahin fariyaad nahin

yari hamari yak bari KHatir se faramosh un ne ki

zikr hamara us se kiya so kahne laga kuchh yaad nahin

kya kya mardum-e-KHush-zahir hain ‘alam-e-husn mein nam-e-KHuda

‘alam-e-‘ishq KHaraba hai wan koi ghar aabaad nahin

'ishq koi hamdard kahin muddat mein paida karta hai

koh rahen go nalan barson lekin ab farhad nahin

laDna kawaki se falak ka pesh-e-pa-uftada hai

'mir' tilism-e-ghubar jo ye hai kuchh is ki buniyaad nahin