haal zaKHm-e-jigar se hai darham

haal zaḳhm-e-jigar se hai darham

kaash rahte kisū taraf mar ham

dilbaroñ ko jo bar meñ khīñchā Tuk

is adā se bahut hue barham

aap ko ab kahīñ nahīñ paate

be-ḳhudī se ga.e haiñ kīdhar ham

dair-o-ka.aba ga.e haiñ ham aksar

ya.anī DhūñDā hai us ko ghar ghar ham

kah sake kaun ham ko nā-hamvār

ab to haiñ ḳhaak se barābar ham

koft sī koft apne dil par hai

chhātī kuuTā kiye haiñ aksar ham

abr kartā hai ab kamī sī 'mīr'

dekheñ haiñ sū-e-dīda-e-tar ham

haal zaKHm-e-jigar se hai darham

kash rahte kisu taraf mar hum

dilbaron ko jo bar mein khincha Tuk

is ada se bahut hue barham

aap ko ab kahin nahin pate

be-KHudi se gae hain kidhar hum

dair-o-kaba gae hain hum aksar

yani DhunDa hai us ko ghar ghar hum

kah sake kaun hum ko na-hamwar

ab to hain KHak se barabar hum

koft si koft apne dil par hai

chhati kuTa kiye hain aksar hum

abr karta hai ab kami si 'mir'

dekhen hain su-e-dida-e-tar hum