hum chaman mein gae the wa na hue

ham chaman meñ ga.e the vā na hue

nik.hat-e-gul se āshnā na hue

sar kisū se faro nahīñ aatā

haif bande hue ḳhudā na hue

ḳhvār-o-zār-o-zalīl-o-be-rūyat

āshiq us ke hue so kyā na hue

kaisā kaisā qafas se sar maarā

mausam-e-gul meñ ham rihā na hue

maiñ na gardan kaTā.ī jab tak 'mīr'

ishq ke mujh se haq adā na hue

hum chaman mein gae the wa na hue

nikhat-e-gul se aashna na hue

sar kisu se faro nahin aata

haif bande hue KHuda na hue

KHwar-o-zar-o-zalil-o-be-ruyat

aashiq us ke hue so kya na hue

kaisa kaisa qafas se sar mara

mausam-e-gul mein hum riha na hue

main na gardan kaTai jab tak 'mir'

ishq ke mujh se haq ada na hue