ham-saya-e-chaman ye nipaT zar kaun hai

ham-sāya-e-chaman ye nipaT zaar kaun hai

nālān-o-muztarib pas-e-dīvār kaun hai

mizhgāñ bhī phir ga.iiñ tirī bīmār chashm dekh

dukh dard meñ sivā.e-ḳhudā yaar kaun hai

naale jo aaj sunte haiñ so haiñ jigar-ḳharāsh

kyā jāniye qafas meñ giraftār kaun hai

aaya na āshiyāna-e-bulbul meñ kaam bhī

mujh sā to ḳhaar baaġh meñ bekār kaun hai

kyā fikr mulk-gīrī meñ hai the jo pesh-azīñ

un meñ se tū hī dekh jahāñ-dār kaun hai

bāzār-e-dahr meñ hai abas 'mīr' arz-e-mehr

yaañ aisī jins kā to ḳharīdār kaun hai

ham-saya-e-chaman ye nipaT zar kaun hai

nalan-o-muztarib pas-e-diwar kaun hai

mizhgan bhi phir gain teri bimar chashm dekh

dukh dard mein siwae-KHuda yar kaun hai

nale jo aaj sunte hain so hain jigar-KHarash

kya jaaniye qafas mein giraftar kaun hai

aaya na aashiyana-e-bulbul mein kaam bhi

mujh sa to KHar bagh mein bekar kaun hai

kya fikr mulk-giri mein hai the jo pesh-azin

un mein se tu hi dekh jahan-dar kaun hai

bazar-e-dahr mein hai abas 'mir' arz-e-mehr

yan aisi jins ka to KHaridar kaun hai