hum to uske zulm se hamdam chale

ham to us ke zulm se hamdam chale

rah sake hai tū to rah yaañ ham chale

TuuTe juuñ lāla-sitāñ se ek phuul

ham le yaañ se dāġh-e-yak-ālam chale

jumbish-e-abrū to vaañ rahtī nahīñ

kab talak talvār yaañ har-dam chale

nam jigar ke aaya āḳhir ho ga.e

ashk-e-ḳhūnīñ kuchh mizha par jam chale

dekhiye baḳht-e-zabūñ kyā kyā dikhā.e

tum to ḳhūbāñ ham se ho barham chale

bhāgne par baiThe the goyā ġhazāl

terī āñkheñ dekhte hī ram chale

mujh se nā-shā.ista kyā dekhā ki 'mīr'

aate aate kuchh jo aañsū tham chale

hum to us ke zulm se hamdam chale

rah sake hai tu to rah yan hum chale

TuTe jun lala-sitan se ek phul

hum le yan se dagh-e-yak-alam chale

jumbish-e-abru to wan rahti nahin

kab talak talwar yan har-dam chale

nam jigar ke aaya aaKHir ho gae

ashk-e-KHunin kuchh mizha par jam chale

dekhiye baKHt-e-zabun kya kya dikhae

tum to KHuban hum se ho barham chale

bhagne par baiThe the goya ghazal

teri aankhen dekhte hi ram chale

mujh se na-shaista kya dekha ki 'mir'

aate aate kuchh jo aansu tham chale