har har suKHan pe ab to karte ho guftugu tum

har har suḳhan pe ab to karte ho guftugū tum

in bad-mizājiyoñ ko chhoḌoge bhī kabhū tum

yaañ aaphī aap aa kar gum aap meñ hue ho

paidā nahīñ ki kis kī karte ho justujū tum

chāheñ to tum ko chāheñ dekheñ to tum ko dekheñ

ḳhvāhish diloñ kī tum ho āñkhoñ kī aarzū tum

hairat-zada kisū kī ye aañkh sī lage hai

mat baiTho aarsī ke har lahza rū-ba-rū tum

the tum bhabhūke se to par ab jalā hī do ho

sozinda aag kī kyā sīkhe ho saarī ḳhū tum

nisbat to ham-digar hai go duur kī ho nisbat

ham haiñ navā-e-bulbul ho gul ke rang-o-bū tum

dekh ashk-e-surḳh bolā ye rang aur laa.e

haiñ 'mīr' muñh pe aañsū yā rote ho lahū tum

har har suKHan pe ab to karte ho guftugu tum

in bad-mizajiyon ko chhoDoge bhi kabhu tum

yan aaphi aap aa kar gum aap mein hue ho

paida nahin ki kis ki karte ho justuju tum

chahen to tum ko chahen dekhen to tum ko dekhen

KHwahish dilon ki tum ho aankhon ki aarzu tum

hairat-zada kisu ki ye aankh si lage hai

mat baiTho aarsi ke har lahza ru-ba-ru tum

the tum bhabhuke se to par ab jala hi do ho

sozinda aag ki kya sikhe ho sari KHu tum

nisbat to ham-digar hai go dur ki ho nisbat

hum hain nawa-e-bulbul ho gul ke rang-o-bu tum

dekh ashk-e-surKH bola ye rang aur lae

hain 'mir' munh pe aansu ya rote ho lahu tum