hone laga guzar gham-e-yar be-tarah
hone lagā guzār ġham-e-yār be-tarah
rahne lagā hai dil ko ab āzār be-tarah
ab kuchh tarah nahīñ hai ki ham ġhamzade hoñ shaad
kahne lagā hai muñh se sitamgār be-tarah
jāñ-bar tumhāre haath se hogā na ab koī
rakhne lage ho haath meñ talvār be-tarah
fitna uThegā varna nikal ghar se tū shitāb
baiThe haiñ aa ke tālib-e-dīdār be-tarah
lohū meñ shor-bor hai dāmān-o-jeb 'mīr'
biphrā hai aaj dīda-e-ḳhūñ-bār be-tarah
hone laga guzar gham-e-yar be-tarah
rahne laga hai dil ko ab aazar be-tarah
ab kuchh tarah nahin hai ki hum ghamzade hon shad
kahne laga hai munh se sitamgar be-tarah
jaan-bar tumhaare hath se hoga na ab koi
rakhne lage ho hath mein talwar be-tarah
fitna uThega warna nikal ghar se tu shitab
baiThe hain aa ke talib-e-didar be-tarah
lohu mein shor-bor hai daman-o-jeb 'mir'
biphra hai aaj dida-e-KHun-bar be-tarah
- Book : MIRIYAAT - Diwan No- 1, Ghazal No- 0194
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
