is kaam-e-jaan-o-dil ne aalam ka jaan mara

is kām-e-jān-o-dil ne aalam kā jaan maarā

zulfoñ kī darhamī se barham jahān maarā

bulbul kā ātishīñ-dam dil ko lagā hamāre

aisā kinhoñ ne jaise chhātī meñ baan maarā

ḳhuuñ kuchh na thā hamārā markūz-e-ḳhātir us ko

lillāh ik hameñ bhī yuuñ darmiyān maarā

sar-chashma husn kā vo aaya nazar na mujh ko

us rāhzan ne ġhāfil kyā kārvān maarā

sabr-o-havās-o-dānish sab ishq ke zubūñ haiñ

maiñ kāvish-e-mizha se aalam ko chhān maarā

kyā ḳhuun kā maza hai ai ishq tujh ko zālim

ek ek dam meñ tū ne sau sau javān maarā

ham ājizoñ par aa kar yuuñ koh-e-ġham girā hai

jaise zamīñ ke uupar ik āsmān maarā

kab jī bache hai yaaro ḳhush-rū-o-mū-butāñ se

gar sub.h bach gayā to phir shaam aan maarā

kahte na the ki sāhib itnā kuḌhā na kariye

is ġham ne 'mīr' tum ko jī se nidān maarā

is kaam-e-jaan-o-dil ne aalam ka jaan mara

zulfon ki darhami se barham jahan mara

bulbul ka aatishin-dam dil ko laga hamare

aisa kinhon ne jaise chhati mein ban mara

KHun kuchh na tha hamara markuz-e-KHatir us ko

lillah ek hamein bhi yun darmiyan mara

sar-chashma husn ka wo aaya nazar na mujh ko

us rahzan ne ghafil kya karwan mara

sabr-o-hawas-o-danish sab ishq ke zubun hain

main kawish-e-mizha se aalam ko chhan mara

kya KHun ka maza hai ai ishq tujh ko zalim

ek ek dam mein tu ne sau sau jawan mara

hum aajizon par aa kar yun koh-e-gham gira hai

jaise zamin ke upar ek aasman mara

kab ji bache hai yaro KHush-ru-o-mu-butan se

gar subh bach gaya to phir sham aan mara

kahte na the ki sahib itna kuDha na kariye

is gham ne 'mir' tum ko ji se nidan mara