‘ishq-e-ruswai-talab ne mujhko sargardan kiya

‘ishq-e-rusvā.ī-talab ne mujh ko sargardāñ kiyā

kyā ḳharābī sar pe laayā saumi'a vīrāñ kiyā

ham se to juz marg kuchh tadbīr ban aatī nahīñ

tum kaho kyā tum ne dard-e-‘ishq kā darmāñ kiyā

dāḳhil-e-dīvāngī hī thī hamārī 'āshiqī

yā'nī is saude meñ ham ne jaan kā nuqsāñ kiyā

shukr kyā us kī karīmī kā adā bande se ho

aisī ik nāchīz musht-e-ḳhāk ko insāñ kiyā

teġh sī bhauveñ jhukā.eñ barchhiyāñ sī ve mizha

ḳhuun kā mujh be-sar-o-pā ke balā sāmāñ kiyā

ek hī andāz ne us kāfir-e-be-mehr ke

sakinān-e-kā’ba ko be-dīn-o-be-īmāñ kyā

lakhna.ū dillī se aaya yaañ bhī rahtā hai udaas

'mīr' ko sar-gashtagī ne be-dil-o-hairāñ kiyā

‘ishq-e-ruswai-talab ne mujh ko sargardan kiya

kya KHarabi sar pe laya saumi'a viran kiya

hum se to juz marg kuchh tadbir ban aati nahin

tum kaho kya tum ne dard-e-‘ishq ka darman kiya

daKHil-e-diwangi hi thi hamari 'ashiqi

ya'ni is saude mein hum ne jaan ka nuqsan kiya

shukr kya us ki karimi ka ada bande se ho

aisi ek nachiz musht-e-KHak ko insan kiya

tegh si bhauwen jhukaen barchhiyan si we mizha

KHun ka mujh be-sar-o-pa ke bala saman kiya

ek hi andaz ne us kafir-e-be-mehr ke

sakinan-e-ka’ba ko be-din-o-be-iman kya

lakhnau dilli se aaya yan bhi rahta hai udas

'mir' ko sar-gashtagi ne be-dil-o-hairan kiya