ishq kiya so jaan jali hai ulfat thi ya kulfat thi

'ishq kiyā so jaan jalī hai ulfat thī yā kulfat thī

kuuTe ga.e haiñ sab aa’zā ye mohabbat thī yā mehnat thī

ab to niDhāl paḌe rahte haiñ zo’f hī aksar rahtā hai

aa.e ga.e us ke kūche meñ jab tak jī meñ tāqat thī

āb-e-hayāt vahī na jis par ḳhizr-o-sikandar marte rahe

ḳhaak se ham ne bharā vo chashma ye bhī hamārī himmat thī

aañsū ho kar ḳhuun jigar kā betābāna aayā thā

shāyad raat shakebā.ī kī jald bahut kuchh ruḳhsat thī

jab se 'ishq kiyā hai maiñ ne sar par mere qayāmat hai

sā’at dil lagne kī shāyad nahs-tarīn-e-sā’at thī

'ishq kiya so jaan jali hai ulfat thi ya kulfat thi

kuTe gae hain sab aa’za ye mohabbat thi ya mehnat thi

ab to niDhaal paDe rahte hain zo’f hi aksar rahta hai

aae gae us ke kuche mein jab tak ji mein taqat thi

aab-e-hayat wahi na jis par KHizr-o-sikandar marte rahe

KHak se hum ne bhara wo chashma ye bhi hamari himmat thi

aansu ho kar KHun jigar ka betabana aaya tha

shayad raat shakebai ki jald bahut kuchh ruKHsat thi

jab se 'ishq kiya hai main ne sar par mere qayamat hai

sa’at dil lagne ki shayad nahs-tarin-e-sa’at thi