jaana na dil ko tha teri zulf-e-rasa ke bich

jaanā na dil ko thā tirī zulf-e-rasā ke biich

dānista jā paḌe hai koī bhī balā ke biich

farhād-o-qais jis se mujhe chāho pūchh lo

mash.hūr hai faqīr bhī ahl-e-vafā ke biich

āḳhir to maiñ ne tuul diyā bahs-e-‘ishq ko

kotāhī tum bhī mat karo jaur-o-jafā ke biich

aa.ī jo lab pe aah to maiñ uTh khaḌā huā

baiThā gayā na mujh se to aisī havā ke biich

iqbāl dekh is sitam-o-zulm-o-jaur par

dekhūñ huuñ jis ko hai vo usī kī du'ā ke biich

dil is chaman meñ bahutoñ se merā lagā vale

bū-e-vafā na paa.ī kisū āshnā ke biich

josh-o-ḳharosh 'mīr' ke jaate rahe na sab

hotā hai shor chāhne kī ibtidā ke biich

jaana na dil ko tha teri zulf-e-rasa ke bich

danista ja paDe hai koi bhi bala ke bich

farhad-o-qais jis se mujhe chaho puchh lo

mashhur hai faqir bhi ahl-e-wafa ke bich

aaKHir to main ne tul diya bahs-e-‘ishq ko

kotahi tum bhi mat karo jaur-o-jafa ke bich

aai jo lab pe aah to main uTh khaDa hua

baiTha gaya na mujh se to aisi hawa ke bich

iqbaal dekh is sitam-o-zulm-o-jaur par

dekhun hun jis ko hai wo usi ki du'a ke bich

dil is chaman mein bahuton se mera laga wale

bu-e-wafa na pai kisu aashna ke bich

josh-o-KHarosh 'mir' ke jate rahe na sab

hota hai shor chahne ki ibtida ke bich