jala az bas tumhaare taur se ai jama-zeban hun

jalā az bas tumhāre taur se ai jāma-zebāñ huuñ

bharosā kyā hai merā maiñ charāġh-e-zer-e-dāmāñ huuñ

sar-e-harf-o-suḳhan kis ko ḳhayāl-e-zulf meñ us ke

tanik meñ jo bikhar jaatā huuñ maiñ ḳhātir-pareshāñ huuñ

kuhan-sālī meñ shāhid-bāziyāñ kaahe ko zebā thiiñ

diyā laḌkoñ ko dil maiñ ne qayāmat maiñ bhī nādāñ huuñ

kabhū ḳhurshīd-o-mah ko dekh rahtā huuñ kabhū gul ko

mire andāz se zāhir hai maiñ us rū kā hairāñ huuñ

kisū kī yād-e-rū meñ ashk āñkhoñ se nahīñ thamte

ba-rang-e-abr-e-qibla aaj maiñ shiddat se giryāñ huuñ

bukā jab tak nahīñ kartā huuñ tab tak ḳhair hai varna

balā huuñ fitna huuñ āshob huuñ aafat huuñ tūfāñ huuñ

ba-hāl-e-sag phirā kab tak karūñ yuuñ us ke kūche meñ

ḳhajālat khīñchtā huuñ 'mīr' āḳhir maiñ bhī insāñ huuñ

jala az bas tumhaare taur se ai jama-zeban hun

bharosa kya hai mera main charagh-e-zer-e-daman hun

sar-e-harf-o-suKHan kis ko KHayal-e-zulf mein us ke

tanik mein jo bikhar jata hun main KHatir-pareshan hun

kuhan-sali mein shahid-baziyan kahe ko zeba thin

diya laDkon ko dil main ne qayamat main bhi nadan hun

kabhu KHurshid-o-mah ko dekh rahta hun kabhu gul ko

mere andaz se zahir hai main us ru ka hairan hun

kisu ki yaad-e-ru mein ashk aankhon se nahin thamte

ba-rang-e-abr-e-qibla aaj main shiddat se giryan hun

buka jab tak nahin karta hun tab tak KHair hai warna

bala hun fitna hun aashob hun aafat hun tufan hun

ba-haal-e-sag phira kab tak karun yun us ke kuche mein

KHajalat khinchta hun 'mir' aaKHir main bhi insan hun