jigar KHun kiya chashm nam kar gaya

jigar ḳhuuñ kiyā chashm nam kar gayā

gayā dil so ham par sitam kar gayā

in āñkhoñ ko nargis likhā thā kahīñ

mire haath donoñ qalam kar gayā

shab ik sho.ala dil se huā thā buland

tan-e-zār merā bhasam kar gayā

mire mazra'-e-zard par shukr hai

kal ik abr aaya karam kar gayā

na ik baar va.ada vafā kar sakā

bahut baar qaul-o-qasam kar gayā

faqīrī meñ thā sheb bār-e-garāñ

qad-e-rāst ko apne ḳham kar gayā

bukā-e-shab-o-roz ab chhoḌ 'mīr'

navāh āñkhoñ kā tū varam kar gayā

jigar KHun kiya chashm nam kar gaya

gaya dil so hum par sitam kar gaya

in aankhon ko nargis likha tha kahin

mere hath donon qalam kar gaya

shab ek shoala dil se hua tha buland

tan-e-zar mera bhasam kar gaya

mere mazra'-e-zard par shukr hai

kal ek abr aaya karam kar gaya

na ek bar wada wafa kar saka

bahut bar qaul-o-qasam kar gaya

faqiri mein tha sheb bar-e-garan

qad-e-rast ko apne KHam kar gaya

buka-e-shab-o-roz ab chhoD 'mir'

nawah aankhon ka tu waram kar gaya