kab dastaras hai la’l ko tere suKHan talak

kab dastaras hai laa’l ko tere suḳhan talak

rusvā.iyāñ ga.ī haiñ aqīq-e-yaman talak

āzādgī ye chhoḌ qafas ham na jā sake

husn-e-sulūk-e-zo'f se sehn-e-chaman talak

tar-dastiyāñ hoñ dast-o-garebān haath kī

zer-e-zamīñ bhī pohñcheñgī chāk-e-kafan talak

rotā huuñ āhūoñ meñ tirī chashm yaad kar

tūfāñ kiye haiñ saiñkaḌoñ dasht-e-ḳhutan talak

maarā gayā ḳhirām-e-butāñ par safar meñ 'mīr'

ai kabk kahtā jā.iyo us ke vatan talak

kab dastaras hai la’l ko tere suKHan talak

ruswaiyan gai hain aqiq-e-yaman talak

aazadgi ye chhoD qafas hum na ja sake

husn-e-suluk-e-zo'f se sehn-e-chaman talak

tar-dastiyan hon dast-o-gareban hath ki

zer-e-zamin bhi pohnchengi chaak-e-kafan talak

rota hun aahuon mein teri chashm yaad kar

tufan kiye hain sainkaDon dasht-e-KHutan talak

mara gaya KHiram-e-butan par safar mein 'mir'

ai kabk kahta jaiyo us ke watan talak