kahan yaad qais ab jo duniya kare hai

kahāñ yaad qais ab jo duniyā kare hai

kabhū qadr-dāñ 'ishq paidā kare hai

ye tiflān-e-bāzār jī ke haiñ gāhak

vahī jāntā hai jo saudā kare hai

chhupā.īñ hoñ āñkheñ hī un ne to kahiye

vo har baat kā ham se parda kare hai

jo ronā hai rātoñ ko apnā yahī to

kināra koī din meñ dariyā kare hai

Thasak us ke chalne kī dekho to jaano

qayāmat hī har-gām barpā kare hai

mareñ shauq-e-parvāz-e-gulshan meñ kyoñ na

asīroñ kī yaañ kaun parvā kare hai

banī sūrateñ kaisī kaisī bigāḌīñ

samajhte nahīñ ham falak kyā kare hai

ḳhat afshāñ kiyā ḳhūn-e-dil se to bolā

bahut ab tū rangīn inshā kare hai

halāk aap ko 'mīr' mat kar divāne

koī zī-shu'ūr aah aisā kare hai

kahan yaad qais ab jo duniya kare hai

kabhu qadr-dan 'ishq paida kare hai

ye tiflan-e-bazar ji ke hain gahak

wahi jaanta hai jo sauda kare hai

chhupain hon aankhen hi un ne to kahiye

wo har baat ka hum se parda kare hai

jo rona hai raaton ko apna yahi to

kinara koi din mein dariya kare hai

Thasak us ke chalne ki dekho to jaano

qayamat hi har-gam barpa kare hai

maren shauq-e-parwaz-e-gulshan mein kyon na

asiron ki yan kaun parwa kare hai

bani suraten kaisi kaisi bigaDin

samajhte nahin hum falak kya kare hai

KHat afshan kiya KHun-e-dil se to bola

bahut ab tu rangin insha kare hai

halak aap ko 'mir' mat kar diwane

koi zi-shu'ur aah aisa kare hai