KHuda kare mere dil ko Tuk ek qarar aawe

ḳhudā kare mire dil ko Tuk ik qarār aave

ki zindagī to karūñ jab talak ki yaar aave

kamāneñ us kī bhavoñ kī chaḌhī hī rahtī haiñ

na jab talak sar-e-tīr-e-sitam shikār aave

hameñ to ek ghaḌī gul-baġhair dūbhar hai

ḳhudā hī jaane ki ab kab talak bahār aave

uThī bhī gard-e-rah us kī kahīñ to lutf hai kyā

jab intizār meñ āñkhoñ hī par ġhubār aave

har ek shai kā hai mausam na jaane thā mansūr

ki naḳhl-e-dār meñ halq-e-burīda baar aave

tumhāre jauroñ se ab haal jā-e-ibrat hai

kisū se kahiye to us ko na e.atibār aave

nahīñ hai chaah bhalī itnī bhī duā kar 'mīr'

ki ab jo dekhūñ use maiñ bahut na pyaar aave

KHuda kare mere dil ko Tuk ek qarar aawe

ki zindagi to karun jab talak ki yar aawe

kamanen us ki bhawon ki chaDhi hi rahti hain

na jab talak sar-e-tir-e-sitam shikar aawe

hamein to ek ghaDi gul-baghair dubhar hai

KHuda hi jaane ki ab kab talak bahaar aawe

uThi bhi gard-e-rah us ki kahin to lutf hai kya

jab intizar mein aankhon hi par ghubar aawe

har ek shai ka hai mausam na jaane tha mansur

ki naKHl-e-dar mein halq-e-burida bar aawe

tumhaare jauron se ab haal ja-e-ibrat hai

kisu se kahiye to us ko na eatibar aawe

nahin hai chah bhali itni bhi dua kar 'mir'

ki ab jo dekhun use main bahut na pyar aawe