koi din kariye maishat ja kisu kaamil ke pas

koī din kariye ma.īshat jā kisū kāmil ke paas

nāqisoñ meñ rahiye kyā rahiye to sāhib-dil ke paas

bū-e-ḳhūñ bhak bhak dimāġhoñ meñ chalī aatī hai kuchh

niklī hai ho kar sabā shāyad kisū ghā.il ke paas

shor-o-hangāma bahut da.avā zarūrī hai bahut

kāshke mujh ko bulāveñ hashr meñ qātil ke paas

gard se hai nāqa-e-salmā ko mushkil rah-ravī

ḳhaak kis kī hai ki mushtāq aatī hai mahmil ke paas

til se tere muñh ke dil thā daaġh ai barnā-e-charb

ḳhaal ye ik aur niklā zālim agle til ke paas

dil gudāz-e-ishq se sab aab ho kar bah gayā

mar ga.e par gor merī kariye to be-dil ke paas

maliye kyūñkar na kaf-e-afsos jī jaatā hai 'mīr'

Dūbtī hai kashtī varte se nikal sāhil ke paas

koi din kariye maishat ja kisu kaamil ke pas

naqison mein rahiye kya rahiye to sahib-dil ke pas

bu-e-KHun bhak bhak dimaghon mein chali aati hai kuchh

nikli hai ho kar saba shayad kisu ghail ke pas

shor-o-hangama bahut dawa zaruri hai bahut

kashke mujh ko bulawen hashr mein qatil ke pas

gard se hai naqa-e-salma ko mushkil rah-rawi

KHak kis ki hai ki mushtaq aati hai mahmil ke pas

til se tere munh ke dil tha dagh ai barna-e-charb

KHal ye ek aur nikla zalim agle til ke pas

dil gudaz-e-ishq se sab aab ho kar bah gaya

mar gae par gor meri kariye to be-dil ke pas

maliye kyunkar na kaf-e-afsos ji jata hai 'mir'

Dubti hai kashti warte se nikal sahil ke pas