kya abas majnun pae-mahmil hai myan

kyā 'abas majnūñ pa.e-mahmil hai myaañ

ye divāna bāvlā 'āqil hai myaañ

qand kā kaun is qadar maa.il hai myaañ

jo hai un hoñToñ hī kā qaa.il hai myaañ

ham ne ye maanā ki vā'iz hai malak

aadmī honā bahut mushkil hai myaañ

chashm-e-tar kī ḳhair jaarī hai sadā

sail is darvāze kā saa.il hai myaañ

marne ke pīchhe to rāhat sach hai lek

biich meñ ye vāqi'a haa.il hai myaañ

dil kī pāmālī sitam hai qahr hai

koī yuuñ daltā hai āḳhir dil hai myaañ

aaj kyā fardā-e-mahshar kā hirās

sub.h dekheñ kyā ho shab hāmil hai myaañ

dil taḌaptā hī nahīñ kyā jāniye

kis shikār-andāz kā bismil hai myaañ

chāhiye pesh-az-namāz āñkheñ khulīñ

haif us kā vaqt jo ġhāfil hai myaañ

rang be-rangī judā to hai vale

aab sā har rang meñ shāmil hai myaañ

sāmne se Tuk Tale to diq na ho

āsmāñ chhātī par apnī sil hai myaañ

dil-lagī itnī jahāñ meñ kis liye

rahguzar hai ye to kyā manzil hai myaañ

be-tahī dariyā-e-hastī kī na pūchh

yaañ se vaañ tak sau jagah sāhil hai myaañ

chashm-e-haq-bīñ se karo Tuk tum nazar

dekhte jo kuchh ho sab bātil hai myaañ

dardmandī hī to hai jo kuchh ki hai

haq meñ 'āshiq ke davā qātil hai myaañ

barsoñ ham rote phire haiñ abr se

zaanū zaanū us galī meñ gil hai myaañ

kohna-sālī meñ hai jaise ḳhurd-sāl

kyā falak piirī meñ bhī jāhil hai myaañ

kyā dil-e-majrūh-o-mahzūñ kā gila

ek ġhamgīñ dūsre ghā.il hai myaañ

dekh kar sabza hī ḳhurram dil ko rakh

mazra’-e-duniyā kā ye hāsil hai myaañ

musta’iddoñ par suḳhan hai āj-kal

she'r apnā fan so kis qābil hai myaañ

kī ziyārat 'mīr' kī ham ne bhī kal

lā-ubālī sā hai par kāmil hai myaañ

kya 'abas majnun pae-mahmil hai myan

ye diwana bawla 'aqil hai myan

qand ka kaun is qadar mail hai myan

jo hai un honTon hi ka qail hai myan

hum ne ye mana ki wa'iz hai malak

aadmi hona bahut mushkil hai myan

chashm-e-tar ki KHair jari hai sada

sail is darwaze ka sail hai myan

marne ke pichhe to rahat sach hai lek

bich mein ye waqi'a hail hai myan

dil ki pamali sitam hai qahr hai

koi yun dalta hai aaKHir dil hai myan

aaj kya farda-e-mahshar ka hiras

subh dekhen kya ho shab hamil hai myan

dil taDapta hi nahin kya jaaniye

kis shikar-andaz ka bismil hai myan

chahiye pesh-az-namaz aankhen khulin

haif us ka waqt jo ghafil hai myan

rang be-rangi juda to hai wale

aab sa har rang mein shamil hai myan

samne se Tuk Tale to diq na ho

aasman chhati par apni sil hai myan

dil-lagi itni jahan mein kis liye

rahguzar hai ye to kya manzil hai myan

be-tahi dariya-e-hasti ki na puchh

yan se wan tak sau jagah sahil hai myan

chashm-e-haq-bin se karo Tuk tum nazar

dekhte jo kuchh ho sab baatil hai myan

dardmandi hi to hai jo kuchh ki hai

haq mein 'ashiq ke dawa qatil hai myan

barson hum rote phire hain abr se

zanu zanu us gali mein gil hai myan

kohna-sali mein hai jaise KHurd-sal

kya falak piri mein bhi jahil hai myan

kya dil-e-majruh-o-mahzun ka gila

ek ghamgin dusre ghail hai myan

dekh kar sabza hi KHurram dil ko rakh

mazra’-e-duniya ka ye hasil hai myan

musta’iddon par suKHan hai aaj-kal

she'r apna fan so kis qabil hai myan

ki ziyarat 'mir' ki hum ne bhi kal

la-ubaali sa hai par kaamil hai myan