kya hum bayan kisu se karen apne han ki tarh

kyā ham bayāñ kisū se kareñ apne haañ kī tarh

kī ishq ne ḳharābī se is ḳhāndāñ kī tarh

juuñ sabza chal chaman meñ lab-e-jū pe sair kar

umr-e-azīz jaatī hai āb-e-ravāñ kī tarh

jo saqf be-amad ho nahīñ us kā e'timād

kis ḳhānumāñ-ḳharāb ne kī āsmāñ kī tarh

isbāt-e-be-sabātī huā hotā aage to

kyoñ is chaman meñ Dālte ham āshiyāñ kī tarh

ab kahte haiñ balā hai sitam-kash ye pīrgī

qad jo huā ḳhamīda hamārā kamāñ kī tarh

nuqsān-e-jāñ sarīh thā saude meñ ishq ke

ham jaan kar nikālī hai jī ke ziyāñ kī tarh

dil ko jo ḳhuub dekhā to hū kā makān hai

hai is makāñ meñ saarī vahī lā-makāñ kī tarh

kal dekh āftāb ko royā huuñ der tak

ġhusse meñ aisī hī thī mire meherbāñ kī tarh

jāvegā apnī bhuul tarahdārī 'mīr' vo

kuchh aur ho ga.ī jo kisū nā-tavāñ kī tarh

kya hum bayan kisu se karen apne han ki tarh

ki ishq ne KHarabi se is KHandan ki tarh

jun sabza chal chaman mein lab-e-ju pe sair kar

umr-e-aziz jati hai aab-e-rawan ki tarh

jo saqf be-amad ho nahin us ka e'timad

kis KHanuman-KHarab ne ki aasman ki tarh

isbaat-e-be-sabaati hua hota aage to

kyon is chaman mein Dalte hum aashiyan ki tarh

ab kahte hain bala hai sitam-kash ye pirgi

qad jo hua KHamida hamara kaman ki tarh

nuqsan-e-jaan sarih tha saude mein ishq ke

hum jaan kar nikali hai ji ke ziyan ki tarh

dil ko jo KHub dekha to hu ka makan hai

hai is makan mein sari wahi la-makan ki tarh

kal dekh aaftab ko roya hun der tak

ghusse mein aisi hi thi mere meherban ki tarh

jawega apni bhul tarahdari 'mir' wo

kuchh aur ho gai jo kisu na-tawan ki tarh