kya kahun tum se main ki kya hai ishq
kyā kahūñ tum se maiñ ki kyā hai ishq
jaan kā rog hai balā hai ishq
ishq hī ishq hai jahāñ dekho
saare aalam meñ bhar rahā hai ishq
ishq hai tarz o taur ishq ke ta.iiñ
kahīñ banda kahīñ ḳhudā hai ishq
ishq ma.ashūq ishq āshiq hai
ya.anī apnā hī mubtalā hai ishq
gar parastish ḳhudā kī sābit kī
kisū sūrat meñ ho bhalā hai ishq
dilkash aisā kahāñ hai dushman-e-jāñ
mudda.ī hai pa mudda.ā hai ishq
hai hamāre bhī taur kā āshiq
jis kisī ko kahīñ huā hai ishq
koī ḳhvāhāñ nahīñ mohabbat kā
tū kahe jins-e-nā-ravā hai ishq
'mīr'-jī zard hote jaate ho
kyā kahīñ tum ne bhī kiyā hai ishq
kya kahun tum se main ki kya hai ishq
jaan ka rog hai bala hai ishq
ishq hi ishq hai jahan dekho
sare aalam mein bhar raha hai ishq
ishq hai tarz o taur ishq ke tain
kahin banda kahin KHuda hai ishq
ishq mashuq ishq aashiq hai
yani apna hi mubtala hai ishq
gar parastish KHuda ki sabit ki
kisu surat mein ho bhala hai ishq
dilkash aisa kahan hai dushman-e-jaan
muddai hai pa muddaa hai ishq
hai hamare bhi taur ka aashiq
jis kisi ko kahin hua hai ishq
koi KHwahan nahin mohabbat ka
tu kahe jins-e-na-rawa hai ishq
'mir'-ji zard hote jate ho
kya kahin tum ne bhi kiya hai ishq
Source:
MIRIYAAT - Diwan No- 2, Ghazal No- 0837
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.