kya kya na humne khinche aazar teri KHatir

kyā kyā na ham ne khīñche āzār terī ḳhātir

ab ho ga.e haiñ āḳhir bīmār terī ḳhātir

ġhairoñ kī be-dimāġhī betābi chhātī dāġhī

ye sab sitam uThā.e ai yaar terī ḳhātir

kyā jāniye ki hai tū kyā jins-e-besh-qīmat

jaate haiñ pagḌī jaame bāzār terī ḳhātir

ik baar tū ne aa kar ḳhātir na rakkhī merī

maiñ jī se apne guzrā sau baar terī ḳhātir

maiñ kyā ki aah kāfir diiñ ke akābiroñ ne

qashqe lagā.e pahne zunnār terī ḳhātir

go dil dhasak hī jaave āñkheñ ubal hī aaveñ

sab ūñch-nīch kī hai hamvār terī ḳhātir

ek aan tere abrū īdhar jhuke na paa.e

sau sau meñ maiñ ne khīñchī talvār terī ḳhātir

kyā chiiz hai tū pyāre muflis haiñ daaġh tere

paise liye phire haiñ zardār terī ḳhātir

tujh se do-chār honā phir aah ban na aaya

dī jaan 'mīr' jī ne nā-chār terī ḳhātir

kya kya na hum ne khinche aazar teri KHatir

ab ho gae hain aaKHir bimar teri KHatir

ghairon ki be-dimaghi betabi chhati daghi

ye sab sitam uThae ai yar teri KHatir

kya jaaniye ki hai tu kya jins-e-besh-qimat

jate hain pagDi jame bazar teri KHatir

ek bar tu ne aa kar KHatir na rakkhi meri

main ji se apne guzra sau bar teri KHatir

main kya ki aah kafir din ke akabiron ne

qashqe lagae pahne zunnar teri KHatir

go dil dhasak hi jawe aankhen ubal hi aawen

sab unch-nich ki hai hamwar teri KHatir

ek aan tere abru idhar jhuke na pae

sau sau mein main ne khinchi talwar teri KHatir

kya chiz hai tu pyare muflis hain dagh tere

paise liye phire hain zardar teri KHatir

tujh se do-chaar hona phir aah ban na aaya

di jaan 'mir' ji ne na-chaar teri KHatir