aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mara zamin mein gaDa tab isko sabr aaya

Meer Taqi Meer

mara zamin mein gaDa tab isko sabr aaya

Meer Taqi Meer

MORE BYMeer Taqi Meer

    maarā zamīñ meñ gaaḌā tab is ko sabr aaya

    is dil ne ham ko āḳhir yuuñ ḳhaak meñ milāyā

    us gul-zamīñ se ab tak ugte haiñ sarv-e-mā.il

    mastī meñ jhukte jis par terā paḌā hai saayā

    yaksāñ hai qatl-gah aur us galī to mujh ko

    vaañ ḳhaak meñ maiñ loTā yaañ lohū meñ nahāyā

    puuje se aur patthar hote haiñ ye sanam to

    ab kis tarah itā.at in karūñ ḳhudāyā

    tā-charḳh naala pahuñchā lekin asar na dekhā

    karne se ab duā ke maiñ haath uThāyā

    terā muñh take hai kyā jāniye ki nau-ḳhat

    kyā bāġh-e-sabz ne ā.īne ko dikhāyā

    shādābī-o-latāfat hargiz huī na is meñ

    terī masoñ pe garche sabze ne zahr khāyā

    āḳhir ko mar ga.e haiñ us justujū meñ

    ke ta.iiñ bhī khoyā lekin use na paayā

    lagtī nahīñ hai daarū haiñ sab tabīb hairāñ

    ik rog maiñ basāhā ko kahāñ lagāyā

    kah hech us ke muñh ko meñ Darā yahāñ

    baare vo shoḳh apnī ḳhātir meñ kuchh na laayā

    honā thā majlis-ārā gar ġhair tujhe to

    mānind-e-sham.a mujh ko kaahe ke tiiñ jalāyā

    thī ye kahāñ yaarī ā.īna-rū ki ne

    dekhā jo 'mīr' ko to be-hech muñh banāyā

    mara zamin mein gaDa tab is ko sabr aaya

    is dil ne hum ko aaKHir yun KHak mein milaya

    us gul-zamin se ab tak ugte hain sarw-e-mail

    masti mein jhukte jis par tera paDa hai saya

    yaksan hai qatl-gah aur us ki gali to mujh ko

    wan KHak mein main loTa yan lohu mein nahaya

    puje se aur patthar hote hain ye sanam to

    ab kis tarah itaat in ki karun KHudaya

    ta-charKH nala pahuncha lekin asar na dekha

    karne se ab dua ke main hath hi uThaya

    tera hi munh take hai kya jaaniye ki nau-KHat

    kya bagh-e-sabz tu ne aaine ko dikhaya

    shadabi-o-latafat hargiz hui na is mein

    teri mason pe garche sabze ne zahr khaya

    aaKHir ko mar gae hain us ki hi justuju mein

    ji ke tain bhi khoya lekin use na paya

    lagti nahin hai daru hain sab tabib hairan

    ek rog main basaha ji ko kahan lagaya

    kah hech us ke munh ko ji mein Dara yahan tu

    bare wo shoKH apni KHatir mein kuchh na laya

    hona tha majlis-ara gar ghair ka tujhe to

    manind-e-shama mujh ko kahe ke tin jalaya

    thi ye kahan ki yari aaina-ru ki tu ne

    dekha jo 'mir' ko to be-hech munh banaya

    Source:

    MIRIYAAT - Diwan No- 1, Ghazal No- 0024

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now