main aage na tha dida-e-pur-ab se waqif

maiñ aage na thā dīda-e-pur-āb se vāqif

palkeñ na huī thiiñ mirī ḳhūnāb se vāqif

patthar to bahut laḌkoñ ke khaa.e haiñ va-lekin

ham ab bhī junūñ ke nahīñ ādāb se vāqif

ham nang-e-ḳhalā.eq ye ajab hai ki nahīñ haiñ

is ālam-e-asbāb meñ asbāb se vāqif

shab āñkheñ khulī rahtī haiñ ham muntaziroñ kī

juuñ dīda-e-anjum nahīñ haiñ ḳhvāb se vāqif

bal khaa.e unhīñ bāloñ ko ham jāneñ haiñ yā 'mīr'

haiñ pech-o-ġham-o-ranj-o-tab-o-tāb se vāqif

main aage na tha dida-e-pur-ab se waqif

palken na hui thin meri KHunab se waqif

patthar to bahut laDkon ke khae hain wa-lekin

hum ab bhi junun ke nahin aadab se waqif

hum nang-e-KHalaeq ye ajab hai ki nahin hain

is aalam-e-asbab mein asbab se waqif

shab aankhen khuli rahti hain hum muntaziron ki

jun dida-e-anjum nahin hain KHwab se waqif

bal khae unhin baalon ko hum jaanen hain ya 'mir'

hain pech-o-gham-o-ranj-o-tab-o-tab se waqif