mir kal sohbat mein uski harf sar kar rah gaya

'mīr' kal sohbat meñ us kī harf sar kar rah gayā

pesh jaate kuchh na dekhī chashm tar kar rah gayā

ḳhūbī apne tāle-e-bad kī ki shab vo rashk-e-māh

ghar mire aane ko thā so muñh udhar kar rah gayā

tanz-o-tā'rīz-e-butān-e-be-vafā ke dar-javāb

maiñ bhī kuchh kahtā ḳhudā se apne Dar kar rah gayā

sarguzasht apnī sabab hai hairat-e-ahbāb kī

jis se dil ḳhālī kiyā vo aah bhar kar rah gayā

'mīr' ko kitne dinoñ se rahtī thī be-tāqatī

raat dil taḌpā bahut shāyad ki mar kar rah gayā

'mir' kal sohbat mein us ki harf sar kar rah gaya

pesh jate kuchh na dekhi chashm tar kar rah gaya

KHubi apne tale-e-bad ki ki shab wo rashk-e-mah

ghar mere aane ko tha so munh udhar kar rah gaya

tanz-o-ta'riz-e-butan-e-be-wafa ke dar-jawab

main bhi kuchh kahta KHuda se apne Dar kar rah gaya

sarguzasht apni sabab hai hairat-e-ahbab ki

jis se dil KHali kiya wo aah bhar kar rah gaya

'mir' ko kitne dinon se rahti thi be-taqati

raat dil taDpa bahut shayad ki mar kar rah gaya