muddai mujhko khaDe saf bura kahte hain
mudda.ī mujh ko khaḌe saaf burā kahte haiñ
chupke tum sunte ho baiThe ise kyā kahte haiñ
dekhe ḳhūbāñ ke bajā dil nahīñ rahtā hargiz
log jo kuchh unheñ kahte haiñ bajā kahte haiñ
ishq ke shahr kī bhī rasm ke haiñ kushte ham
dard jāñ-kāh jo ho us ko davā kahte haiñ
jī agar zulfoñ ke saude meñ tire duuñ to na bol
pahlī qīmat ke ta.iiñ mushk-bahā kahte haiñ
husn to hai hī karo lutf-e-zabāñ bhī paidā
'mīr' ko dekho ki sab log bhalā kahte haiñ
muddai mujh ko khaDe saf bura kahte hain
chupke tum sunte ho baiThe ise kya kahte hain
dekhe KHuban ke baja dil nahin rahta hargiz
log jo kuchh unhen kahte hain baja kahte hain
ishq ke shahr ki bhi rasm ke hain kushte hum
dard jaan-kah jo ho us ko dawa kahte hain
ji agar zulfon ke saude mein tere dun to na bol
pahli qimat ke tain mushk-baha kahte hain
husn to hai hi karo lutf-e-zaban bhi paida
'mir' ko dekho ki sab log bhala kahte hain
- Book : MIRIYAAT - Diwan No- 2, Ghazal No- 0864
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
