mue jate the fart-e-ulfat se hum
mue jaate the fart-e-ulfat se ham
jiye haiñ ḳhudā hī kī qudrat se ham
turush-rū bahut hai vo zar-gar pisar
paḌe haiñ khaTā.ī meñ muddat se ham
nahīñ dekhte sub.h ab aarsī
ḳhafā rahte haiñ apnī sūrat se ham
jo dekho vo qāmat to ma.alūm ho
ki rū-kash hue haiñ qayāmat se ham
na Tuk lā sakā taab jalve kī dil
gila rakhte haiñ sabr-o-tāqat se ham
na maanī koī un ne phir ruuTh kar
manāte rahe raat minnat se ham
ḳhudā se bhī shab ko duā māñgte
na us kā liyā naam ġhairat se ham
rakhā jis ko āñkhoñ meñ ik umr ab
use dekh rahte haiñ hasrat se ham
bharī āñkheñ lohū se rahne lagīñ
ye rang apnā dekhā muravvat se ham
na mil 'mīr' ab ke amīroñ se tū
hue haiñ faqīr un kī daulat se ham
mue jate the fart-e-ulfat se hum
jiye hain KHuda hi ki qudrat se hum
turush-ru bahut hai wo zar-gar pisar
paDe hain khaTai mein muddat se hum
nahin dekhte subh ab aarsi
KHafa rahte hain apni surat se hum
jo dekho wo qamat to malum ho
ki ru-kash hue hain qayamat se hum
na Tuk la saka tab jalwe ki dil
gila rakhte hain sabr-o-taqat se hum
na mani koi un ne phir ruTh kar
manate rahe raat minnat se hum
KHuda se bhi shab ko dua mangte
na us ka liya nam ghairat se hum
rakha jis ko aankhon mein ek umr ab
use dekh rahte hain hasrat se hum
bhari aankhen lohu se rahne lagin
ye rang apna dekha murawwat se hum
na mil 'mir' ab ke amiron se tu
hue hain faqir un ki daulat se hum
- Book : MIRIYAAT - Diwan No- 2, Ghazal No- 0862
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.