na aa dam mein murgh fariyaad kijo

na aa daam meñ murġh fariyād kiijo

Tuk ik ḳhātir-e-ḳhvāb-e-sayyād kiijo

ye tohmat baḌī hai ki mar ga.ī hai shīrīñ

tahammul Tuk ai marg-e-farhād kiijo

ġham-e-gul meñ martā huuñ ai ham safīro

chaman meñ jo jaao mujhe yaad kiijo

rihā.ī marī mudda'ī zo'f se hai

tū sayyād mujh ko na āzād kiijo

mire rū-ba-rū aa.ina le ke zālim

dam-e-vāpsīñ meñ to tū shaad kiijo

judā tan se karte hī pāmāl karnā

ye ehsāñ mire sar pe jallād kiijo

na aa dam mein murgh fariyaad kijo

Tuk ek KHatir-e-KHwab-e-sayyaad kijo

ye tohmat baDi hai ki mar gai hai shirin

tahammul Tuk ai marg-e-farhad kijo

gham-e-gul mein marta hun ai hum safiro

chaman mein jo jao mujhe yaad kijo

rihai mari mudda'i zo'f se hai

tu sayyaad mujh ko na aazad kijo

mere ru-ba-ru aaina le ke zalim

dam-e-wapsin mein to tu shad kijo

juda tan se karte hi pamal karna

ye ehsan mere sar pe jallad kijo