na paDha KHat ko ya paDha qasid

na paḌhā ḳhat ko yā paḌhā qāsid

āḳhir-e-kār kyā kahā qāsid

koī pahuñchā na ḳhat mirā us tak

mere tāle.a haiñ nā-rasā qāsid

sar-navisht-e-zubūñ se zar ho ḳhaak

raah khoTī na kar tū jā qāsid

gir paḌā ḳhat to tujh pe harf nahīñ

ye bhī merā hī thā likhā qāsid

ye to ronā hamesha hai tujh ko

phir kabhū phir kabhū bhalā qāsid

qaaf

ab ġharaz ḳhāmushī hī behtar hai

kyā kahūñ tujh se mājrā qāsid

shab kitābat ke vaqt girye meñ

jo likhā thā so bah gayā qāsid

kohna qissa likhā karūñ tā-kai

bhejā kab tak karūñ nayā qāsid

hai tilismāt us kā kūcha to

jo gayā so vahīñ rahā qāsid

baad par hai barāt jis kā javāb

us ko guzre haiñ sālhā qāsid

nāma-e-'mīr' ko uḌātā hai

kāġhaz-e-bād gir gayā qāsid

na paDha KHat ko ya paDha qasid

aaKHir-e-kar kya kaha qasid

koi pahuncha na KHat mera us tak

mere talea hain na-rasa qasid

sar-nawisht-e-zubun se zar ho KHak

rah khoTi na kar tu ja qasid

gir paDa KHat to tujh pe harf nahin

ye bhi mera hi tha likha qasid

ye to rona hamesha hai tujh ko

phir kabhu phir kabhu bhala qasid

qaf

ab gharaz KHamushi hi behtar hai

kya kahun tujh se majra qasid

shab kitabat ke waqt girye mein

jo likha tha so bah gaya qasid

kohna qissa likha karun ta-kai

bheja kab tak karun naya qasid

hai tilismat us ka kucha to

jo gaya so wahin raha qasid

baad par hai baraat jis ka jawab

us ko guzre hain salha qasid

nama-e-'mir' ko uData hai

kaghaz-e-baad gir gaya qasid