naz-o-ada ke sath wo dilbar shakil hai

nāz-o-adā ke saath vo dilbar shakīl hai

tasvīr chiiñ kī rū-barū us ke zalīl hai

ham ḳhaak muñh ko mal ke na juuñ aarsī phire

yaañ paas qurt-e-āb agar hai sabīl hai

jangal meñ ḳhizr-o-kā'ba kā honā mirī tarah

donoñ kī nā-rasā.ī ke uupar dalīl hai

aage junūñ se chhāñv meñ the sarv-o-gul kī ham

sar par hamāre sāya-fagan ab karīl hai

kuchh chīz-o-māl ho to ḳharīdār ho koī

duniyā kī qadr kyā ki matā'-e-qalīl hai

kyā ro.uuñ ashk aate haiñ āñkhoñ se sail-sail

pal mārne meñ pesh-e-nazar ek jhiil hai

aate nahīñ nazar meñ mirī hāthī ke savār

kānoñ meñ jo fasāna-e-as.hāb-e-fīl hai

ho sabr us jo yūsuf-e-sānī ke be-jamāl

to mus.haf-e-majīd meñ sabr-e-jamīl hai

shukr-o-gila se 'ishq ke labrez hai jahāñ

kariye jahāñ nigāh yahī qāl-o-qīl hai

ham der se haiñ muntazir-e-qad-kashī-e-yār

kuchh shāmat-e-'amal se qayāmat meñ Dhiil hai

jab dekhte haiñ 'mīr' tumheñ be-dimāġh ho

kaahe ko naaz 'ishq meñ sāhab daḳhīl hai

naz-o-ada ke sath wo dilbar shakil hai

taswir chin ki ru-baru us ke zalil hai

hum KHak munh ko mal ke na jun aarsi phire

yan pas qurt-e-ab agar hai sabil hai

jangal mein KHizr-o-ka'ba ka hona meri tarah

donon ki na-rasai ke upar dalil hai

aage junun se chhanw mein the sarw-o-gul ki hum

sar par hamare saya-fagan ab karil hai

kuchh chiz-o-mal ho to KHaridar ho koi

duniya ki qadr kya ki mata'-e-qalil hai

kya roun ashk aate hain aankhon se sail-sail

pal marne mein pesh-e-nazar ek jhil hai

aate nahin nazar mein meri hathi ke sawar

kanon mein jo fasana-e-ashab-e-fil hai

ho sabr us jo yusuf-e-sani ke be-jamal

to mushaf-e-majid mein sabr-e-jamil hai

shukr-o-gila se 'ishq ke labrez hai jahan

kariye jahan nigah yahi qal-o-qil hai

hum der se hain muntazir-e-qad-kashi-e-yar

kuchh shamat-e-'amal se qayamat mein Dhil hai

jab dekhte hain 'mir' tumhein be-dimagh ho

kahe ko naz 'ishq mein sahab daKHil hai