nai humse kuchh na us sitam-ijad se hua

nai ham se kuchh na us sitam-ījād se huā

zulm-e-sarīh ishq kī imdād se huā

shīrīñ kā husn aisā thā jo ḳhasta jaan deñ

jo kuchh huā so ḳhvāhish-e-farhād se huā

ḳhush-zamzama tuyūr hī hote haiñ 'mīr' asiir

ham par sitam ye sub.h kī fariyād se huā

nai hum se kuchh na us sitam-ijad se hua

zulm-e-sarih ishq ki imdad se hua

shirin ka husn aisa tha jo KHasta jaan den

jo kuchh hua so KHwahish-e-farhad se hua

KHush-zamzama tuyur hi hote hain 'mir' asir

hum par sitam ye subh ki fariyaad se hua